Pakkað fyrir bakpokaferð.

Hér fyrir neðan er listi sem hafa má til viðmiðunar þegar pakkað er fyrir bakpokaferð þar sem sofið er í tjaldi. Í bakpokaferðum er grundvallarregla að vera með svo léttar byrðar sem mögulegt er, án þess þó að skilja neitt eftir sem nauðsynlegt er að hafa.

Búnaður

• Bakpoki 65-75 lítra
• Tjald
• Dýna
• Svefnpoki (ef til vill einnig lakpoki)
• Prímus og pottur (eða jetboil)
• Hitabrúsi u.þ.b. 1/2 lítra
• Vatnsbrúsi/vatnspoki
• Skyndihjálparbúnaður s.s. plástur á hælsæri (second skin), teygjubindi og verkjalyf
• Hreinlætisvörur, s.s. tannbursti, sápa, salernispappír
• Eldfæri (meðal annars til að brenna notaðan salernispappír)
• Höfuðljós
• Handklæði, annaðhvort dry fit handklæði eða taubleyja
• Sólarvörn og varasalvi
• Sólgleraugu
• Flugnanet
• Drykkjarílát, diskur, hnífapör (allt úr plasti eða öðru léttu efni)
• Litlir plastpokar fyrir rusl
• Göngustafir, ef vill
• Mjúkir/hálfstífir gönguskór, vatnsheldir og styðja vel við öklann
• Auka skóreimar
• Legghlífar, ef búast má við bleytu eða göngu í snjó
•  Klæðnaður
• Göngubuxur úr gerviefnum
• Ullarnærföt; langermabolur og síðar buxur
• Nærföt, ekki bómull
• Bolur, flíspeysa
• Göngusokkar – gott er að vera í þunnum (liner) undir þykkum sokkum
• Aukasokkar
• Dún- eða primaluft-úlpa
• Regnjakki og –buxur
• Húfa og vettlingar
• Vaðskór eru nauðsynlegir ef vaða þarf ár (strigaskór/sandalar/neoprene-skór, skórnir verða að vera vel fastir á fætinum)
• Hversu mikið er haft með af aukafatnaði fer eftir lengd ferðar. Ekki gera ráð fyrir að skipta um föt daglega, þá verða byrðarnar of þungar.
• Gallabuxur og annar bómullarfatnaður er bannaður á fjöllum. Ef slíkur fatnaður blotnar er hann lengi blautur og verður mjög kaldur.
• Húfa og vettlingar