Kotfell í Reyðarfirði 2 skór. Sunnudagsganga 7. maí kl. 10.00. Gengið frá Þórdalsheiðarvegamótum við bæinn Áreyjar í Reyðarfirði. Fellið er um 400 metra hátt. Umsjón: Jarþrúður Ólafsdóttir.

Valtýshellir (Perla) 2 skór Sunnudagsganga 21. maí kl. 10.00. Gengið af bílastæði hjá Grófargerði á Völlum að litlum hellisskúta í dalnum Hjálpleysu. „Frekar þægileg meðallöng gönguleið í miklum fjallasal“. (Skúli M. Júlíusson) Umsjón: Sigurjón Bjarnason.

Grænafell 2 skór. Sunnudagsganga 4. júní kl. 10.00. Lagt af stað í nágrenni Biskupshlaups á Fagradal og fram á fjallið. Frábært útsýnisfjall þó hæðin sé aðeins 573 m. Umsjón: Jarþrúður Ólafsdóttir.

Remba við Hallormsstað 2 skór.

Sunnudagsganga 18. júní kl. 10.00. Gengið eftir göngustíg frá íþróttahúsinu á Hallormsstað upp með Staðará að gamalli virkjunarstíflu. Hægt að halda áfram yfir í Skriðdal eftir gamalli reiðleið. Nánari upplýsingar í bókinni 101 Austurland – Gönguleiðir fyrir alla.

Umsjón: Katrín Reynisdóttir.

Austdalur/Brekkugjá 3 skór.

Sunnudagsganga 2. júlí kl. 10.00. Gengið fram Austdal í Seyðisfirði um Brekkugjá Tveir valkostir: Gengið áfram að Brekku í Mjóafirði eða svipaða leið til baka. Umsjón: Katrín Reynisdóttir.

Einstakafjall 2 skór.

Sunnudagsganga 16. júlí kl. 10.00. Gengið af fjallveginum Dys milli Viðfjarðar og Vöðlavíkur á fjall sem stendur á mörkum Vöðlavíkur, Viðfjarðar og Sandvíkur.

Umsjón: Stefán Kristmannsson.

Fossaganga í Fljótsdal. 3 skór

Sunnudagsganga 6. ágúst kl. 10.00. Gengið frá Óbyggðasetri gegnum Kleifarskóg meðfram Jökulsá í Fljótsdal að Laugarfelli. Nánari upplýsingar í bókinni 101 Austurland – Gönguleiðir fyrir alla.

Umsjón: Sigurjón Bjarnason.

Vestdalsvatn (perla) 3 skór

Sunnudagsganga 20. ágúst kl. 10.00.  Gengið af Fjarðarheiðarvegi niður að Vestdalsvatni og sömu leið til baka. Möguleiki að ganga áfram niður Vestdal eða Gilsárdal til Héraðs. Nánari upplýsingar í bókinni 101 Austurland – Gönguleiðir fyrir alla.

Umsjón: Jarþrúður Ólafsdóttir.

Húsey (Perla) 1 skór.

Sólstöðuganga 23. júní kl. 22.00. Létt ganga frá perluskilti við Húsey niður að ósi Lagarfljóts og Jökulsár á Dal.

Umsjón: Jón Steinar Benjamínsson.

Grasdalur norðan Njarðvíkur 3 skór.

Gönguferð 8. júlí kl. 8.00. (Sunnudag 9. júlí eftir veðurútliti) Gengið frá Njarðvík upp í Gönguskarð um Grasdal niður að Kögurvita og áfram að Njarðvík. Fáfarið svæði um fjöllin austan Héraðsflóa. Skráningarfrestur til fimmtudags 6. júlí.

Þátttökugjald 3.000 kr.

Umsjón: Stefán Kristmannsson.

Stuðlaheiði milli Reyðarfjarðar og Fáskrúðsfjarðar 3 skór.

Gönguferð laugardag 22. júlí. kl. 9.00 (Sunnudag 23. júlí eftir veðurútliti.) Í samstarfi við Ferðafélag Fjarðamanna.  Sameinast í bíla við Stuðla í Reyðarfirði, síðan ekið í gegnum göngin að Dölum í Fáskrúðsfirði, þaðan sem lagt er á fjallið.

Þátttökugjald 3.000 kr.

Skráningarfrestur til fimmtudags 10. júlí.

Umsjón: Kristinn Þorsteinsson.

Staðarfjall og nágrenni Borgarfirði eystra. 3 skór.

Gönguferð 26. ágúst kl. 9.00. (27. ágúst til vara) Gengið á fjallið og um nágrenni þess undir leiðsögn umsjónarmanns. . Nánari upplýsingar í bókinni 101 Austurland – Tindar og toppar.

Skráningarfrestur til fimmtudags 24. ágúst.

Þátttökugjald 3.000 kr.

Umsjón: Bryndís Skúladóttir.

Dagsferð á heiðarbýlin, þessi klassíska 2 skór

12. ágúst. Brottför kl. 9:00

Gengið að tíu heiðarbýlum. Ekið á bílum á milli og gengið að hverju býli. Gangan í hvert skipti er ekki löng og því er þetta tilvalið fyrir alla fjölskylduna. Gott tækifæri til að fylla stimpilkort og taka þátt í skemmtilegum gönguleik ferðafélagsins. Hjá hverju býli er staukur sem inniheldur upplýsingar um býlið, ábúendur og sögur tengdar því ásamt gestabók og stimpli fyrir stimpilkortin. Býlin sem verða heimsótt í þessari ferð eru í Úheiðinni. (Selsárvellir, Aðalból, Mælifell, Fossvellir, Desjamýri, Brunahvammur, Kálffell, Lindasel og Háreksstaðir.)

Endað á kvöldverði að Arnarvatni.

Umsjón: Þorvaldur P. Hjarðar.

Verð: 8.000/7.000 Innifalið: Kvöldmatur, stimpilkort og fararstjórn. Tekið er á móti skráningum á heimasíðu ferðafélagsins til 1. ágúst.