Jeppaferð FFF á Haugsöræfi og Smjörvatnsheiði
Laugardaginn 13 september 2025
Farið frá Tjarnarási 8 Egilsstöðum, hús Ferðafélagsins, sameinast í bíla og ekið norður fjöll stoppað við Sveigshelli, litið inn og næsta stopp er, Beitarhús við Möðrudalsvegamót síðan að Biskupshálsplani.
Farið austur á Haugsöræfi, ritsímanum fylgt, kaffistopp í Vestari Brekku, þaðan að Haugsnibbu og gengið á fjallið að þríhyrningsmælingarsteini og þar til baka og niður Austari-Brekku, niður á Urðir. Áfram í Almenninga og heiðarbýlin Selsárvellir og Fossvellir skoðuð og haldið í skálann á Aðalbóli.
Þar verður grillað og gist, öll grunnaðstaða til staðar
Morguninn eftir er farið að Mælifelli og síðan niður Selárdal til Vopnafjarðar stoppað í söluskála áður er lagt verður á Smjörvatnsheiði, komið við í gamla símahúsi og tekin nestishlé og útsýni skoðað, farið niður að Bugsseli og þaðan að Gvendarbrunninum á Bug og niður Laxárdal að Fossvöllum í Hlíð.
Hvað þarf meðferðis: útivistarföt, nesti fyrir ferð og viðlegubúnað til gistingar í Skálanum á Aðalbóli
Verð: 13.000.- per þátttakanda
Skráning í ferð er á netfang FFF This email address is being protected from spambots. You need JavaScript enabled to view it.

Ævintýraferð Fjölskyldunnar í Egilsseli á Lónsöræfum 8. ágúst til 11. ágúst

4 göngudagar. Verð 45.000 kr fullorðnir 10.000 kr börn (innifalið; gisting, leiðsögn og sameiginlegir kvöldverðir).

Þessi ferð er hugsuð fyrir fjölskyldur með duglega og ævintýragjarna krakka á aldrinum 7 til 17 ára.

Dagur 1. Keyrt á einkabílum upp að Sauðárvatni. Þaðan er gengið eftir fallegri gamalli varðaðri leið að Kollumúlavatni þar sem skálinn Egilssel er staðsettur og hann verður náttstaður okkar í þrjár nætur. 17,5 km göngudagur og 500 metra heildarhækkun.

Sameiginlegur kvöldmatur á leiðarenda.

Dagur 2. Eftir góðan nætursvefn, fjölskyldujóga og morgunmat er nágrenni Egilssels skoðað. Kíkt á fossa og fegurðar notið. Brugðið á leik og glaðst saman í góðum hópi, dýfum okkur jafnvel í heiðarvatnið ef veðrið er gott. 10 km göngudagur.

Sameiginlegur kvöldmatur, kvöldvaka og gleði.

Dagur 3. Eftir morgunrútinu, hafragraut og fjölskyldujóga, förum við og skoðum tröllin og öll þeirra mögnuðu náttúrulistaverk í Tröllakrókum. 10 km göngudagur.

Sameiginlegur kvöldmatur, kvöldlestur og kósý.

Dagur 4. Gengið frá í skála, Egilssel og heiðakyrrðin kvödd og gengið til baka í Sauðárvatn, að hluta til sömu leið og fyrsta dag. 17,5 km göngudagur.

Fararstjórn Þórdís Kristvinsdóttir og Hildur Bergsdóttir.

Þær stöllur eiga ýmis verkfæri í bakpokunum sem verða nýtt í ferðinni, báðar eru þær menntaðar fjallaleiðsögukonur og hafa starfað lengi saman við útivistarþjálfun og ævintýragöngur.

Þórdís er að auki skátaforingi með meiru og Hildur menntaður félagsráðgjafi með áherslu á náttúrumeðferð og reynslunám, og er auk þess landvörður og jógakennari.

Útivistar og ævintýrafjölskylduferð í Loðmundarfjörð. 16.- 17. ágúst.

Tveir göngudagar, ein gistinótt.

Við ætlum að dvelja eina nótt í hinum undirfagra firði Loðmundarfirði. Tilvalið jafnt fyrir fjölskyldur sem eru að stíga sín fyrstu skref í útivist og sem lengra komna.

Fara í göngur um svæðið, leika í fjörunni, skoða fallega steina,,kíkja á fuglalíf, príla í klettum og almennt njóta náttúrufegurðar og samveru.

Dagur eitt: Við sameinumst í bíla á Borgarfirði eystri kl 9:00 ( við íþróttahús) svo keyrum við yfir fjöll og leggjum bílum við Klyppstaðarskála. Komum okkur fyrir og nærum okkur. Skundum í könnunarleiðangur niður að fjöru og sjáum hvað rekur á fjörur okkar. Gengið til baka í frekari ævintýraleit. Um kvöldið verður svo kjötsúpa og kvöldvaka.

Dagur tvö: Eftir morgunverð og fjölskyldujóga höldum við glaðbeitt með nesti og bros á vör í gönguferð uppi í Norðdal þar sem við munum skoða himinháar klettaborgir, kíkja eftir álfum og njóta friðsældar og fegurðar dalsins. Göngum aftur í skála og græjum okkur til heimferðar.

Áætluð heimferð frá Loðmundarfirði er kl 15:00.

Verð: 20,000 þúsund fyrir fullorðinn og 5000 fyrir börn yngri en 18 ára. Innifalið: Skálagisting, leiðsögn, og kvöldverður í Loðmundarfirði. Tekið er á móti skráningum á heimasíðu ferðafélagsins til 15. júní.

Fararstjórn Þórdís Kristvinsdóttir og Hildur Bergsdóttir.

Þær stöllur eiga ýmis verkfæri í bakpokunum sem verða nýtt í ferðinni, báðar eru þær menntaðar fjallaleiðsögukonur og hafa starfað lengi saman við útivistarþjálfun og ævintýragöngur.

Þórdís er að auki skátaforingi með meiru og Hildur menntaður félagsráðgjafi með áherslu á náttúrumeðferð og reynslunám, og er auk þess landvörður og jógakennari.