Hólmatindur er eitt þekktasta fjall til fjallgöngu á austfjörðum. Fjallið er  mjög tignarlegt og sýnilegt víða að. Það er á mörkum Reyðarfjarðar og Eskifjarðar.

Fjallið er er bæjarfjall Eskfirðinga, sem eru mjög stoltir af því, enda er yfirleitt kveðið til Hólmatinds í vetrarbúning á þorrablótum Eskfirðinga.

Fjallið er eitt af "Fjöllin 5 í Fjarðabyggð", fjallagarpa leik Ferðafélags Fjarðamanna.

Gönguleið

Hefðbundin gönguleið hefst við Sómastaði, eyðibýli á móts við Fjarðaál ( álver Alcoa ). Gengið er frá Sómastöðum upp með Grjótá upp í Grjótárdal.  Vel fært er upp í Grjótárdal,  bæði austan og vestan megin Grjótár.   Leiðin þykir eitthvað auðveldari austan megin Grjótár, mörgum finnst þó þæginlegra að fara vestan megin árinnar, til að þurfa ekki að þvera Grjótánna þegar komið er upp í Grjótárdal.

Þegar komið er inn í Grjótárdal er auðveldasta leið að ganga inn í botn á dalnum og þaðan upp á fjallið.  Gaman er þá að ganga meðfram brúninni Eskifjarðarmegin fram á austurbrún Hólmatinds, þar sem saman koma Reiðarfjörður og Eskifjörður.

Hólkur með gestabók er við litla vörðu stuttu áður en komið að austurbrún Hólmatinds.

Erfiðleika stig 3 af 5

Skálanes

Skálanes er náttúruparadís við mynni Seyðisfjarðar.

Þar gefst færi á að komast í kynni við náttúruna í návígi, sérstaklega fuglalífið, þar sem þúsundir fugla af um 40 mismunandi tegundum verpa á svæðinu. 

Fær vegur er nær alla leið en óbrúuð á er á leiðinni sem oft getur verið ófær minni bílum.  Göngubrýr eru yfir síðustu ársprænurnar áður en komið er að Skálanesbænum

Skjólsælt og vinalegt svæði undir kjarrivöxnum hlíðum Grænafells skammt vestan við þéttbýlið Reyðarfjörð.

Auðfær, stikuð gönguleið liggur upp á fellið frá Fagradal. Á Grænafelli er lítið stöðuvatn. Síðan er unnt að fylgja stórfenglegri gönguleið meðfram undurfögru gili Geithúsaár. 

Stórir steinar í kjarrinu minna á álfaborgir en eru í raun framburður snjóflóða og skriða úr fjallinu.  Áratugum saman var hefð að unglingar gróðusettu hver sitt tré í Grænafellinu og eru stór grenitré dæmi um það. 

Í Grænafelli var löngum samkomustaður Reyðfirðinga og háðu þeir íþróttamót sín þar.  Nú er þetta vinsælasta göngusvæði þorpsbúa.

Miðlungs ganga (3 Skór). Göngutími 7-8 klst

Lómagnúpur er eitt hæsta standberg á Íslandi (671 m), sem gnæfir yfir suður úr fjallinu Björninn vestan Núpsvatna á Skeiðarársandi. Vestan við hann stendur bærinn Núpsstaður. Stórbrotið umhverfi Núpsstaðar og Lómagnúps er vel þekkt. Svæðið nær frá sjó og svörtum söndum og allt til Vatnajökuls.  Gríðarlega gott útsýni af er af fjallinu, þar sér maður yfir Skeiðarársand til Öræfajökulls ( sjá má t.d.   Súlutinda, síðan Skeiðarárjökull og fjærst Skaftafellsfjöll ) og líka er hægt að sjá inn á Vatnajökul alla leið til Grímsvatna.

Almennt er talið að uppganga sé auðveldurst að austan, upp Hvirfildal.  Við munum hins vegar fara upp vestan megin, byrjum á að ganga inn með fjallinu og förum upp hægra megin við gilið. Þegar upp er komið göngum við meðfram brúnunum út á fremsta oddann. 

Fjallið er 764 m hátt, gönguhækkun er um 700 m og göngulengd er rúmir 13 km. Búast má við að gangan taki 7-8 klst., sérstaklega ef við verðum svo heppin að það verði gott veður því þá vill manni dveljast við svo glæsilegt útsýni sem Lómagnúpur býður upp á.     mile emoticon

Járngrímur, jötuninn í Lómagnúp kemur fram í Njálssögu, þegar Flosi Þorgeirsson dreymir að Járngrímur kemur til hans úr Lómagnúpi og segir honum væntanleg afdrif þeirra er brendu Njál og fjölskildu hans.  Jötuninn í Lómagnúpi prýðir skjaldarmerki Íslands. Hann er einn fjögurra landvætta Íslands og ver suðurströndina fyrir illum öflum.

Lómagnúpur tilheyrir landi Núpsstaðar, sem allt er á náttúruminjaskrá.