Ferðir 2022

Nú eru allar ferðirnar okkar fyrir 2022 komnar hér inn á heimasíðuna og um að gera að kíkja á þær og athuga hvort það sé ekki einhver ferð sem höfðar til ykkar.

2

Fjölskylduævintýraferð

Þann 28. október var farið í fjölskylduævintýraferð undir forystu þeirra Hildar Bergsdóttur og Þórdísar Kristvinsdóttur. Farið var inn í Hallormsstað þar sem gengið var um skógarstíg í ljósaskiptunum, endað í Mörkinni þar sem boðið var upp á kjötsúpu, mandarínur, söng, sögulestur við varðeld og að endingu grillaða sykurpúða. Veður var ekki neitt sérstakt, algert úrhelli, en fólk lét það ekki stoppa sig og mættu 65 manns á þennan viðburð.

Við erum þakklát fyrir góðar viðtökur og verða fleiri svona svipaðir viðburðir á dagskrá á næstunni. Ferðin var hluti af verkefninu Ævintýra- og náttúruferðir fjölskyldunnar sem er styrkt af Umhverfis- og auðlindaráðuneytinu, gamla sveitarfélaginu Fljótsdalshéraði og Lífheim ehf.

Þangað til næst! Með kærri kveðju Ferðafélag Fljótsdalshéraðs.

Brimnes Sunnudagsganga.

 
Sunnudagsganga 1 skór
20. júní. Brottför kl. 10.
Keyrt er 10 km frá miðbænum út að bóndabænum Selsstöðum og er gengið þaðan eftir gömlum jeppaslóða, 5,5 km út að Brimnesvita.
Brimnes er út í fjarðarmynni á norðurströnd Seyðisfjarðar. Á öldum áður var það ein öflugasta útgerð sem fyrirfannst á austfjörðum.
Tóftir gamalla bygginga má sjá þar í einstaklega fallegu umhverfi.

Ferðafélag Fljótsdalshéraðs stendur fyrir sunnudagsgöngum annan hvern sunnudag í sumar. Viðburðir eru settir inn á facebook síðu ferðafélagsins.
Fulltrúar frá ferðanefnd ferðafélagsins leiða göngurnar eins og áður.
Mæting er við hús ferðafélagsins, Tjarnarás 8 á Egilsstöðum og er lagt af stað kl 10:00. Verð er 500 krónur á manninn og greiðist á staðnum.
Vegna COVID-19 minnum við sérstaklega á góðan handþvott fyrir mætingu og að grípa með sér handspritt. Einnig er handspritt í húsi ferðafélagsins sem er hægt að fá sér fyrir brottför.

Við erum á Facebook