Dagsferðir

Dagsetning Lagt af stað Lýsing ferðar
Laugardagur, 2. Júní 2018 20:00

Sólstöðuganga í Stapavík (Perla) 1 skór

Gengið frá bílastæði rétt ofan við heimkeyrsluna að Unaósi, út með Selfljóti. 

 

Fararstjóri: Þorsteinn á Unaósi. 

Verð: 1.000. Frítt fyrir 14 ára og yngri. 

 

stapavLétt 2ja til 3ja tíma ganga
Gengið frá bílastæði rétt fyrir ofan heimkeyrsluna að Unaósi, út með Selfljóti.

Gengið fram hjá Eiðaveri, en þaðan lét Margrét ríka á Eiðum róa til fiskjar um miðja 15.öld. Þar eru líka fornar beitarhúsatættur.

Upplagt að koma við á Krosshöfða þar sem var löggilt verslunarhöfn frá 1902.

Hólkurinn er við gamla spilið í Stapavík.
Í Stapavíkinni var vörum skipað upp fram á fjórða áratug síðustu aldar. Gömul þjóðleið er frá Krosshöfða yfir Gönguskarð til Njarðvíkur.

GPS hnit (N65°36.17-W13°57.97)

 

Meira um Stapavík

 

 

 

Föstudagur, 15. Júní 2018 10:00

Bæjarleið á Jökuldal. 1 skór.

Ekið að Merki í Jökuldal og gengin þaðan gönguleiðin milli bæjanna Merkis og Klaustursels.

Fararstjóri: Lilja Hafdís Óladóttir

Brottför kl 10:00 frá Tjarnarási 8, Egilsstöðum. Sameinast í bíla

Föstudagur, 22. Júní 2018 13:00

Fjölskylduferð í Húsey (Perla) 1 skór

 

Keyrt verður út í Húsey og gengið um sléttuna utan við Húsey. 

 

Brottför kl 13:00 frá Tjarnarási 8 á Egilsstöðum. Sameinast í bíla.

Verð 1.000 kr. Frítt fyrir 14 ára og yngri.

 

huseyLétt leið – 2ja tíma ganga stytti hringurinn
Gengið er um sléttuna utan við Húseyjarbæinn út við Héraðsflóa. Hægt er að velja um 6 km eða 14 km hringleið. Mikið fuglalíf og selalátur. Gott er að hefja göngu við hestaskjól/aðhald við veginn.(N65° 38.322-W14°18.097). Gengið í átt að Jökulsá, í gegnum hlið og síðan gengnir bakkar allt þar til komið er að hólknum þar sem er gestabók og stimpill. Hólkurinn er við borð nálægt sjónum ca 3 km utan við bæinn. Síðan er haldið áfram og stefnt á Húseyjarbæinn. Loks er genginn vegurinn og hringnum lokað.

GPS hnit:  (N65°38.775-W14°14.670)

 

Meira um Húsey

Sunnudagur, 12. Ágúst 2018 08:00

Póstleið: Sleðbrjótssel að Refstað (4 skór)

Ekið að Sleðbrjótsseli í Jökulsárshlíð. Þaðan er gengin gömul póstleið að Refstað við Vopnafjörð. Leiðin er 24 km, um 8-9 klst ganga.

Fararstjóri: Þorsteinn Bergsson. 

Brottför kl 8:00 frá Tjarnarási 8, Egilsstöðum með rútu.

Verð: 19.000/18.000. Innifalið: Fararstjórn og akstur. 

Lágmarksfjöldi í ferð: 10 manns. 

Skráningu lýkur 7. ágúst.

Bóka hér

Laugardagur, 18. Ágúst 2018 08:00

Staðarfjall (Staðartindur) 3 skór

Staðarfjall er eitt af fjöllunum í fjallahring Borgarfjarðar eystri og er þekkt fyrir áberandi ljós líparítlög. Aðeins verður farið í björtu veðri.

Fararstjóri: Hafþór Snjólfur Helgason. 

Brottför kl 8:00 frá Tjarnarási 8, Egilsstöðum. Sameinast í bíla. Brottför kl. 9:30 frá Fjarðarborg á Borgarfirði eystri og ekið inn að Staðarfjalli.

Verð: 6.000/5.000. Innifalið: Fararstjórn. 

Lágmarksfjöldi í ferð: 10 manns. 

Skráningu lýkur 15. ágúst. 

Bóka hér

Bókunar- og greiðsluskilmálar Ferðafélags Fljótsdalshéraðs vegna ferða FFF

Dagsferðir:  Bókast og greiðast með a.m.k. tveggja daga fyrirvara og í síðasta lagi fyrir kl. 15 á fimmtudegi fyrir þær ferðir sem farnar eru á laugardegi eða sunnudegi.

Lengri ferðir: Staðfestingargjald er 20% af verði ferðar og greiðist við pöntun. Staðfestingargjaldið er aldrei endurgreitt. Fargjald þarf að greiða að fullu a.m.k. 3 vikum fyrir brottför. Ef greiðsla hefur ekki borist innan settra tímamarka má búast við að ferðin verði seld öðrum.

Afbókanir:

  • Afbókun innan 7 daga frá bókun og 21 degi fyrir brottför.  - Ferð endurgreidd að staðfestingargjaldi frátöldu. 
  • Afbókun 20-8 dögum fyrir brottför -  50% fargjalds endurgreitt 
  • Afbókun 7-4 dögum fyrir brottför - 25% fargjalds endurgreitt 
  • Afbókun 3-0 dögum fyrir brottför - engin endurgreiðsla